Plantun de Prouvènço

Pèr coumpara dos planto d'encò nostre

Groenlandia densa & Plumbago europaea

Groenlandia densa

Potamogetonaceae

Nom en français : Potamot dense.

Descripcioun :
Lou poutamot-pigna trachis dins li roubino, mueio e riéu. Pòu viéure quàuqui tèms en foro d'aigo. Se recounèis à sis entre-nous courtet e subretout à si fueio óupousado, oundado, longo de 1 à 3 cm e souvènt, mai pas toujour, larjo. Amo mies lis aigo lindo e claro. Ramentan que lis eloudèio an li fueio groupado pèr tres.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 Cm
Fueio : óupousado
Tipe bioulougico : Idroufite
Cicle bioulougico : Planto renadivo

Gènre : Groenlandia
Famiho : Potamogetonaceae

Ordre : Alismatales

Coulour de la flour : Verdo
Petalo : >6
Ø (o loungour) enflourejado : 3 mm
Flourido : Printèms - Estiéu

Sòu : ges
Autour basso e auto : Pancaro entresigna
Aparado : Noun
Jun à avoust

Liò : Aigo - Mueio - Roubino
Estànci : Termoumediterran à Coulinen
Couroulougi : Éurasiatico
Ref. sc. : Groenlandia densa (L.) Fourr., 1869 (= Potamogeton densus L., 1753 )

Erbo-di-rascas

Plumbago europaea

Plumbaginaceae

Àutri noum : Erbo-enrabiado, Bagoun, Erbo-de-la-rougno, Erbo-di-couquin, Malo-erbo.

Noms en français : Dentelaire, Malherbe.

Descripcioun :
L'erbo-di-racas, mens coumuno qu'à passa tèms, trachis en ribo de camin, i pèd de muraio e dins lis escoumbre ounte flouris amé de poulìdi flour vióuleto, à la fin de l'estiéu. Es uno planto eisado de recounèisse emé si flour e si fru pegous qu'arrapon li péu e li teissu.

Usanço :
Èi couneigudo au nostre pèr garris la rasco. Ramentèn qu'aquesto malautié de pèu e de péu s'aprèn à de champignoun coume Microsporum canis. Freta la bèsti emé d'òli de bagoun (adouba en fasèn bouli la planto dins l'òli). Se dis peréu qu'en mastegant la racino, apaisso li ràbi de dènt (erbo-enrabiado)-TdF. Pamens se n'en fau mesfissa que fretado sus la pèu pòu douna d'enflamacioun.